苦戀歌

作詞：那卡諾　作曲：楊三郎　原唱：紀露霞／1957

明知失戀真艱苦　偏偏走入失戀路
真知燒酒不解憂　偏偏飲酒來添愁
看人相親甲相愛　見景傷情流目屎
誰人會知阮心內　只有對花訴悲哀

明知女性真厲害　偏偏乎伊騙嘸知
真知黑暗的世界　偏偏行對這路來
看見蝴蝶結相隨　放阮孤單上克虧
親像花蕊離花枝　何時才會成雙對

明知對我無真情　偏偏為伊來犧牲
真知對我無真愛　偏偏為伊流目屎
第一痴情著是阮　每日目屎做飯吞
欠伊花債也袜滿　今日才著受苦戀