丟丟銅仔

作詞：許丙丁　作曲：宜蘭民謠

火車行到仔伊都　阿末伊都丟　唉唷磅空內喔
磅空的水仔伊都　丟丟銅仔伊都　阿末伊都　丟仔伊都滴落來喔

雙腳踏到仔伊都　阿末伊都丟　唉唷台北市喔
看見電燈仔伊都　丟丟銅仔伊都　阿末伊都　丟仔伊都寫紅字喔

人地生疏仔伊都　阿末伊都丟　唉唷來擱去喔
險給黑頭仔伊都　丟丟銅仔伊都　阿末伊都　丟仔伊都撞半死喔

借問公園仔伊都　阿末伊都丟　唉唷對都去喔
問著客人仔伊都　丟丟銅仔伊都　阿末伊都　丟仔伊都我不知喔

拖車走來仔伊都　阿末伊都丟　唉唷拖我去喔
去到公園仔伊都　丟丟銅仔伊都　阿末伊都　丟仔伊都摸無錢喔

車夫開嘴仔伊都　阿末伊都丟　唉唷噪佮鄙喔
腰包無錢仔伊都　丟丟銅仔伊都　阿末伊都　丟仔伊都坐袂死喔

拖車阿哥仔伊都　阿末伊都丟　唉唷免生氣喔
明年還你仔伊都　丟丟銅仔伊都　阿末伊都　丟仔伊都無甲利喔