春宵吟

作詞：周添旺　作曲：鄧雨賢　原唱：雪蘭／1935

南國春天時　草木當青　我在春宵月光暝
無意中看見　花園百花正當開　蝴蝶成雙對
飛來又飛去　怎樣咱著分東西　怨嘆在心內

夜半露水滴　百花的香味　我在更深月光暝
無意中聽見　琵琶彈出斷腸詩　哀韻入阮耳
乎阮心頭酸　一暝感覺二暝長　孤單等天光

夜深靜寂寂　暗風悽冷　倒在床中睏袜去
無奈在窗邊　空度春天良宵瞑　攑頭望月圓
為何愁不離　一更過了又一更　不覺雞聲啼